Дали знаете дека сунѓерчето за садови е највалканиот предмет во вашиот дом? Да, повалкано е дури и од тоалетната шолја и корпата за отпадоци. Тоа во себе има многу дупчиња и отвори, кои дозволуваат во него да се складираат многу микроорганизми. Луѓето најчесто ги плакнат сунѓерчињата, но она што треба да се направи е да се санираат.
Кога ги бришеме остатоците од храна од валканите садови, даските за сечење и од масата, патогените материи од нив се провлекуваат низ дупчињата на сунѓерчето. Додека тоа седи водено до неговата наредна употреба, се создава одлична средина за бактериите да се размножуваат, и тоа со изненадувачка стапка на секои 20 минути.
Имено, кога чистиме остатоци од живо месо, постои голем ризик од отровната бактерија салмонела. Но, ниту вегетаријанците не се безбедни – зеленчукот исто така содржи бактерии, а преку сунѓерчето може да се пренесе ешерихија коли, која предизвикува пневмонија, дијареа и воспаление на мочните патишта.
Доколку мислите дека со сунѓерчето сте успеале да ја исчистите чинијата, всушност таа најверојатно е уште повалкана отколку пред да ја истриете. Сапуницата и водата не ги уништуваат бактериите, туку само ги одмиваат. Но, доколку користите валкано сунѓерче, на чинијата додавате дополнителен слој од уште полоши бактерии.
Важно е да знаете дека она сунѓерче кое има непријатна миризба всушност крие многу бактерии. Затоа треба редовно да го менувате со ново.
Доколку сакате да го дезинфицирате, најдобро е да користите раствор со варикина (средство за избелување на база на хлор). Наполнете еден сад со вода и додадете малку варикина (во размер од 9:1), покиснете го сунѓерчето и потоа оставете го да се исуши целосно. Растворот не го употребувајте повторно.