Овој сируп своето реноме го има оправдано многу пати. Можете да го направите сами, од состојки кои веројатно веќе ги имате во домот, а можат да го консумираат и мали деца.
Сирупот помага при сувата кашлица, која е потребно да се запре во случај кога во белите дробови нема секрет кој треба да се искашла. За спротивната намена, веќе ви претставивме рецепт за ефикасен домашен сируп за искашлување.
Трудете се покрај консумацијата на сирупот, да го подигнете и вашиот имунитет со сокови од свежо овошје и зеленчук, а во својата исхрана вклучете ги ѓумбирот, медот и циметот. Исто така, рибиното масло се има покажано како одличен сојузник во борбата против сезонските вирози.
За чудотворниот домашен сируп за запирање на сувата кашлица, потребни ќе ви бидат следните состојки:
- 200 гр шеќер
- 300 мл вода
- 6 ловорови листови
- 1 лажица жалфија
- 1 лажица бел слез
- 1 лажица камилица
Подготовка:
Растопете го шеќерот на ниска температура за да добие кафеавкаста боја. Додадете ја бојата и мешајте додека шеќерот потполно не се растопи. Додадете ги останатите состојки и оставете да вире 3 минути. Тргнете го од оган и кога ќе се подолади, ставете го во стаклена тегличка која ќе ја чувате во фрижидер.
Употреба:
Препорачаната доза за поголеми деца и возрасни е една супена лажица, по неколку пати на ден, додека за помали деца се препорачува по една кафена лажичка.