Болното грло и кашлицата се најчестите тегоби во зимските месеци, кои можат да го исцрпат телото и да нè легнат во кревет. Доколку сте поборници на природниот начин на лекување, подгответе го најбрзиот чај кој ќе ги отстрани болките во грлото и веднаш ќе ви го поправи расположението.
Ѓумбирот во последно време се вкорени не само во кујната како омилен зачин, туку како ефикасен лек за бројни тегоби – ги ублажува мачнините, ја поттикнува циркулацијата и го намалува стресот, додека во зимските месеци е најпожелен лек за воспаленото грло.
Состојки:
- 1 мала лажичка рендан свеж ѓумбир
- 1 лажица мед
- цеден сок од 1 лимон
- 250 мл врела вода
Подготовка:
Свежо изренданиот ѓумбир ставете го во тенџерче и прелијте го со врела вода, па кога малку ќе се олади додадете го сокот од лимон и медот, помешајте и испијте го веднаш.
Совет: Чајот најдобро е да го пиете пред спиење, како и наутро на празен желудник.