Цитронот е вистинска бомба на лековити материи, меѓу кои витамините А и Ц, како минералите калциум, фосфор и калиум. Ова овошје го спречува развојот на инфекции и настинки и ги прочистува цревата. Кога станува збор, пак, за физичкиот изглед, цитронот помага при проблемите со вените и го забрзува метаболизмот, заради што е одличен сојузник при слабеењето.
Еве уште три причини зоште треба да го јадете овој цитрус доколку сакате да ослабете.
1. Долго ве држи сити
Цитронот е полн влакна заради што подолго ќе ве држи сити и ќе ја намали можноста од непотребно грицкање.
Половина цитрон содржи само педесетина калории и два грама растителни влакна. Доколку консумирате по половина од ова овошје, докажано е дека побрзо ќе губите килограми, особено доколку со него се освежувате наутро.
2. Го стабилизира нивото на шеќер во крвта
Во оваа магична овошка се наоѓаат состојки кои можат да го намалат нивото на инсулин. Ниското ниво значи дека организмот храната попрво ќе ја користи за енергија, отколку за потхранување на масното ткиво.
3. Миризбата го намалува апетитот
Доколку сакате цитронот уште повеќе да ви помогне при слабеењето, пред да го изедете, добро помирисајте го. Имено, неговиот мирис го намалува апетитот, а се верува дека за тоа заслужно е маслото на цитронот чиј мирис делува на ензимите на црниот дроб и така се намалува желбата за храна.