Со оглед на ниските температури кои веќе ја зафатија нашата земја, треба да се подготвуваме за зајакнување на нашиот имунитет, бидејќи вирусите и болестите веќе почнаа да напаѓаат. Смесата за еликсирот за здравје и зајакнат имунитет се прави од состојки кои се лесно достапни, односно од мед, ѓумбир и лимон.
Сигурно на сите ви се познати витаминските состојки на лимонот, а освен тоа лимонот е првото овошје по кое посегнуваме кога сме болни. Ѓумбирот е во целост здрав и мошне корисен.
Состојки за лекот:
- 2 помали или 1 поголем лимон, заедно со кората
- 200мл мед
- 1 среден корен од ѓумбир
- 1 стаклена тегла од 0.5л
Начин на подготовка:
Измијте го лимонот, а ѓумбирот излупете го. Насечкајте ги на парчиња и сомелете ги во блендер (можете и во машина за месо). Додадете мед и измешајте. Смесата ставете ја во чиста и затворена тегла, па чувајте ја во фрижидер.
Можете да земате по 1 голема лажица дневно, а за деца се препорачува по 1 мала лажичка. Исто така, можете да го ставите и во чај или други топли напитоци. Многу е вкусно, но што е најважно ова е еден мошне здрав лек.