Не само што се вкусни, туку сувите сливи се и лековити. Заради богатата содржина на витамин К, сувите сливи ги зајакнуваат коските, а им помагаат и на цревата подобро да работат. Иако се благи, овие вкусни суви овошки ќе ви помогнат да го контролирате нивото на шеќер во крвта и да го намалите ризикот од дијабетес.
Многу истражувања докажуваат дека проблемите кои ги носи менопаузата полесно се поднесуваат доколку жената во исхраната редовно ги внесува сувите сливи.
Само од три до четири дневно ќе ви помогнат и да ги неутрализирате клетките на штетните слободни радикали кои негативно влијаат врз помнењето. Исто така, сувите сливи се особено корисни и за здравјето на нашите очи.
Фитонутриентите кои се наоѓаат во сливите помагаат да се намали ризикот од макуларна дегенерација, болест која се создава воглавно кај постарите лица.