Речиси и не постои жена која некогаш во животот не се соочила со некоја вагинална инфекција, па веднаш дотрчала кај својот гинеколог кој и препишува разни таблети. Сепак, покрај чаевите и терапијата, постојат некои природни решенија.
Вагинитисот е попратен со чешање, пецкање, болки во пределот на вагината и вагинален исцедок. Најчести се три видови на инфекции: бактериска вагиноза (неурамнотежени вагинални бактерии), вулвовагинална кандидијаза (раст и размножување на габички) и трихомонијаза (паразит Трихомонас вагиналис).
Гинекологот веднаш ќе ви каже за која инфекција станува збор, бидејќи симптомите кои жената ги гледа се речиси слични кај секој вагинитис. Често жените посегнуваат по чаеви од брусница или камилица, но постојат и многу други природни билки кои ќе ви помогнат во борбата против инфекциите.
Чаеви
Против чешањето и пецкањето помага чај од рузмарин. Можете да го користете како средство за интимна нега или само да го навлажните вагиналниот отвор. Можете и да го пиете како чај по една до четири шолји на ден ако имате габична инфекција.
Брусницата е добра во борбата против инфекции на уринарниот тракт, но и против вагинални инфекции. Тогаш се консумира незасладен чај по неколку пати на ден, а можете да користете и таблети од брусница или парчиња сува брусница.
Масла
Маслото од чајно дрво има јаки антигабични својства. Неколку капки од маслото капнете на тампон и ставете го во вагината да делува 3 часа. Повторувајте ја оваа постапка два пати дневно.
На сличен начин делува и маслото од оригано. Користете го разреден со маслиново масло и на овој начин можете да го нанесете површински или орално по една капсула два пати на ден.
Кромид
Јадете кромид ако имате габична инфекција. Една од опциите е да направите паста од исечкан кромид и да го нанесете на инфицираниот дел. Можете да нанесете и смеса од масло од кромид, витамин Е и кокосово масло.
Оцет
Можете да користете и бел или јаболков оцет и тоа во топли купки. Купете органски чист оцет (најдобро јаболков) и во када со топла вода ставете 1 шолја. Лежете во топлата вода 20 минути и потоа избришете се со крпа.
Невен
Оваа билка има против воспалителни својства. Изгмечете неколку листови невен (чист и без хемикалии) и нанесете го површински. Сепак, невенот не се препорачува при бременост.