Секој се труди да ја менува долната облека секојдневно и да ја пере на висока температура во машина, со цел да излезат сите бактерии. Постелнината се менува еднаш неделно и на тој временски интервал се пере, додека пижамите се перат многу ретко. Истражувањата покажуваат дека секоја жена ги пери своите пижами во просек на секои 17 дена. Истражувачи предупредуваат дека носењето на интимна облека подолго време, може да доведе до инфекции на кожата или цистит.
- Пижамите ја допираат кожата, а нас постојано ни паѓаат клетки од кожата. Пижамите се полни со микроорганизми. И ние имаме микроорганизми на кожата или во цревата кои обично не се штетни, но ако се најдат на погрешно место може да предизвикаат проблеми. Многумина се носители на бактеријата стафилокок, која може да доведе до инфекции, но исто така носители сме и на бактеријата ешерихија коли. Повторувам, повеќето не се штетни, но ако влезат во уринарниот тракт може да бидат многу штетни, изјави Сели Блумфилд од лондонскиот факултет за хигиена и тропска медицина.
Нејзиниот истражувачки тим дошол до овие статистики откако анкетирале над 2.400 британски парови на возраст од 18 до 30 години. Иако мажите не се толку вредни како жените, нивната главна причина за нечестото перење на пижамите е дека жените не им ги испрале. Од друга страна, главната женска причина е дека често ги менуваат пижамите па не можат да се сетат колку ноќи ги носеле. Половина и повеќе од испитаните жени сметаат дека не треба да се перат толку често затоа што во нив се спие само неколку часа во текот на ноќта.
Што е со вашите пижами?