Статистиките велат дека вирусите го напаѓаат возрасниот човек три пати годишно во просек, како и дека болеста трае девет дена.
Сепак, настинката не мора да ве мачи со денови, доколку ги испробате овие совети штом ги почувствувате првите симптоми. На болката во грлото и телото, морниците и запушениот нос можете да им ставите крај за само еден ден.
Повеќе течности
Обичната вода, чај или природен сок, го ублажува гребењето на грлото и го отпушува носот. Покрај чаеви, се препорачува и пилешка супа, бидејќи одлично ги надополнува минералите и електролитите.
Плакнење на грлото
Растопете лажичка и пол сол во чаша со млака вода и направете гаргата. Со плакнење на грлото ќе го исчистите од бактерии и вируси. Покрај тоа, ќе го ублажите секретот кој ве тера на кашлање и болно воспаление.
Лесна гимнастика
Неколку лесни вежби ќе му помогнат на одбранбениот систем да се избори со настинката. Но, важно е да не го напрегате организот, а за време на физичката активност пулсот да не ви надмине 100 отчукувања во минута.
Хранлива вечера
Добро е познато дека сонот е лековит, а намирниците кои ги внесувате пред спиење може да го зголемат позитивниот ефект. Експертите препорачуваат месо кое не е масно, риба, грав, кафеав ориз, како и што повеќе свеж зеленчук, кој е богат со антиоксиданси.
Врел туш пред спиење
Непосредно пред одење во кревет истуширајте се со врела вода. Тоа ќе ви ги опушти мускулите и ќе ја смири треската, а врелата пареа ќе ви ги ослободи дишните органи и патишта.