Џин Шин Јутсу е вид на древна јапонска терапија со допир која можете да ја направите самите, со цел да овозможите баланс на енергијата и емоциите преку стимулирање на меридијаните на дланките.
Имено, според принципите на оваа терапија, секој прст од раката е поврзан со различен орган и со неговите кореспондирачки емоции. Според цртежот во продолжение, откријте на кој прст ви е потребно да се задржите за да го постигнете балансот на целото тело.
Држете го прстот кој е поврзан со органот кој би сакале да го излечите или, пак, со емоциите кои би сакале да ги смирите. Доколку работите со сите прсти, ќе постигнете целосна хармонизација на телото.
- палец: стрес, грижа, напнатост
- показалец: страв, дигестија, грб
- среден прст: гнев, фрустрација, неодлучност, замор
- венчален прст: тага, жал, поврзување, дишење
- мал прст: премногу трудење и вложување, срце
ПАЛЕЦ
Органи: Стомак и слезинка
Емоции: Анксиозност, депресија и загриженост
Физички симптоми: Болки во стомакот, проблеми со кожата, главоболки, нервози
ПОКАЗАЛЕЦ
Органи: Бубрези и мочен меур
Емоции: Фрустрации, страв и ментална збунетост
Физички симптоми: Нелагодност во пределот на надлактицата, лактите, зглобовите и мускулите, болки во грбот, болки во забите и непцата, зависности од било кој вид, проблеми со дигестијата
СРЕДЕН ПРСТ
Органи: Црн дроб и жолчка
Емоции: Неодлучност, бес, раздразливост
Физички симптоми: Проблеми со циркулацијата, менструални проблеми, проблеми со сетилото за вид, замор, мигрена, главоболки во фронталниот дел
ВЕНЧАЛЕН ПРСТ
Органи: Бели дробови и црева
Емоции: Негативност, тага, страв од одбивање, жал
Физички симптоми: Проблеми со дигестијата, ѕвонење во ушите, проблеми со дишните патишта – како астма, сериозни проблеми со кожата
МАЛ ПРСТ
Органи: Срце
Емоции: Несигурност, нервоза, осудување, ниска самодоверба
Физички симптоми: Крвен притисок, срцеви проблеми, болки во грлото, подуеност, проблеми со коските и со нервите
Упатство: Легнете во мирна просторија во која ништо нема да ви го одвлекува вниманието, изгаснете го светлото и опуштете се. Со едната дланка целосно опфатете го прстот на другата рака, чии наведени симптоми би сакале да ги намалите за да се доведете до баланс. Останете така околу 5 минути, а потоа доколку ви е потребно префрлете се на друг прст.