Икањето е нешто повеќе од рефлекс и се јавува тогаш кога пневмогастритичниот нерв е иритиран. Експертите велат дека икањето е најчестата реакција на вообичаените дигестивни нарушувања.
Меѓутоа, факт е дека тоа е навистина иритантно, а често може да трае и повеќе од 20 минути, па затоа следниот пат кога ќе го имате овој проблем, испробајте некоја од следните техники:
- Оптоварувањето на нервните завршетоци во устата со помош на слатки намирници може да биде од помош. Земете лажичка шеќер и истурете ја на задниот дел од јазикот, каде се наоѓаат рецептори за кисел вкус.
- Некои лекари препорачуваат да си ги затнете ушите со прстите за да го спречите икањето. Нервите поврзани со пневмогастритичниот нерв се протегаат и до системот за слух, а со нивното стимулирање може да се спречи икањето. Сепак, доколку го изведувате ова, бидете нежни и немојте прстите да ги пикате премногу длабоко во ушите.
- Факт е дека доколку некој ве изненади или уплаши, икањето би можело да престане.
- Внесувањето на вода во организмот го прекинува циклусот на икање, што може да ги смири нервите. Плакнењето на грлото со вода може да го има истиот ефект.
- И истегнувањето на јазикот надвор од устата може да го спречи икањето.
- Скокоткањето на мекото непце во усната шуплина со стапче за уши може да биде од помош.
- Со прстите затворете го носот и затворете ја устата, па задржете го воздухот како да треба да скокнете во базен колку што можете подолго, или додека не почувствувате дека икањето престанало.
- Се верува дека дишењето во хартиена кеса го има истиот ефект како претходниот метод. И двата методи ја зголемуваат количината на јаглерод диоксид во крвотокот, па како резултат на тоа телото станува преокупирано во решавањето на новонастанатиот проблем и заборава на икањето.