Ѓумбирот доби особена популарност во последно време. За овој моќен корен и неговите благодети врз организмот се пишува постојано, а дури ви претставивме и упатство како истиот можете да го одгледувате дома.
Експертите тврдат дека овој „универзален“ лек делува превентивно за многу здравствени проблеми и нарушувања, вклучувајќи и заболувања од најтежок вид. Заради своите антисептички својства, ѓумбирот уште одамна се користи во медицински цели.
Но, овој лековит корен не е подеднакво погоден за сите. Еве кои групи на луѓе треба да го избегнуваат:
Трудници
Ѓумбирот содржи моќни стимуланси кои можат да доведат до предвремени контракции. Овој корен треба особено да се избегнува во последните недели од бременоста.
Луѓето кои се трудат да ја зголемат телесната тежина
Ѓумбирот е идеална намирница за оние кои сакаат да ослабат, бидејќи го намалува апетитот и помага во елиминацијата на масти. Од друга страна, луѓето кои се премногу слаби и се обидуваат да ја накачат телесната маса треба да го избегнуваат овој корен, како и сите суплементи на база на истиот.
Луѓе со пореметување на крвта
Ѓумбирот е познат по тоа што ја забрзува циркулацијата, што е генерално добра работа, но не и за оние кои имаат пореметување на крвта, како што е хемофилијата. Во таков случај оваа билка може да ја влоши состојбата.
Луѓе кои пијат лекови за регулирање на притисокот или дијабетес
Доколку сте под терапија за овие здравствени проблеми, спаѓате во посебно ризична група кога е во прашање ѓумбирот, бидејќи оваа билка може да влијае врз начинот на тоа како лековите делуваат врз вашиот организам. Особено е ризично ѓумбирот да го комбинирате со антикоагуланти, бета-блокатори и лекови на база на инсулин.