Улогата на кафето во намерата за слабеење е честа тема на дискусија. Овој пијалак може да има и позитивни и негативни ефекти врз нашето здравје и телесна тежина, во зависност од тоа како го консумираме.
Доколку не можете да го преживеете денот без кафе, тогаш клучно е да научите како да ги извлечете од него позитивните работи со цел да го забрзате процесот на слабеење.
Умерена консумација
Ова е меѓу најважните правила доколку сакате кафето да го вклучите во вашиот план за слабеење. Прекумерната консумација на кафе може да води до зголемено ниво на стрес и несоница, што пак може да биде причина за прејадување. Задржете се само на една до две шолји на ден.
Заборавете на шеќерот
Ова е очигледна, но ефикасна техника доколку сакате да ја намалите тежината. Со додавање на шеќер или кремасти додатоци во кафето ќе направи калорична бомба од овој напиток.
Разните збогатени пијалаци на основа на кафе се забранети
Уште полошо од додавање на шеќер и крем се големите напитоци на база на кафе, збогатени со различни вкусови и додатоци, кои се мошне популарни во кафулињара. Овие пијалаци содржат голема количина на млеко, шеќер, сирупи и разни додатоци за вкус, а нивната калориска вредност може да изнесува колку еден цел оброк.
Кафе после вечера
Напијте се кафе после вечерата со цел да ја намалите понатамошната потреба за храна или десерт, кои не е паметно да ги консумирате во доцните часови. Токму потиснувањето на апетитот е едно од позитивните дејства на кафето.
Кафе пред вежбање
Кафето консумирано еден час пред тренингот ќе ја зголеми вашата енергија, резултирајќи во поголем фокус и поголема активност при изведувањето на вежбите, како и поголемо согорување на калории.
Задолжително вода со кафето
Кафето делува како диуретик, што значи дека ќе предизвика губење на течности од вашето тело. За да останете хидратизирани, за секоја шолја кафе што ќе ја испиете, испијте уште по минимум една чаша вода.
