Пролетните алергии се честа и непријатна појава, која за жал ретко може да се излечи на природен начин, но нивното ублажување сепак е возможно. Тоа мошне ефикасно ќе го постигнете со следниот напиток против алергии, кој лесно можете да го направите во домашни услови.
Потребни состојки:
- 1 морков со средна големина
- 2 големи портокали
- половина краставица
- 5-10 ливчиња нане
- 20 гр свеж корен од ѓумбир
Подготовка:
Измијте го и излупете го овошјето. Исечкајте ги сите состојки и ставете ги во блендер, а листовите нане додадете ги на крајот. Вклучете го блендерот и добро измешајте ги сите состојки.
Портокалите ќе го заштитат вашиот имунолошки систем бидејќи се одличен извор на витамин Ц. Нането е одлично природно инхалаторно средство за респираторниот систем, кој по правило најмногу страда кога ќе пристигне пролетта. Ѓумбирот, пак, ги намалува главоболките кои може да настанат како резултат на честото кивање, а покрај тоа е и моќен антиоксиданс.
Доволната доза на овој напиотк е една чаша на ден, која треба да ја испиете наутро, на празен желудник.
Овој лековит напиток ќе го зајакне вашиот имунитет, па затоа топло им се препорачува и на оние кои не патат од алергии.