Се сеќавате ли на детските денови кога родителите постојано ве опоменувале за го исправите грбот и да внимавате на држењето? Без разлика колку и да ви биле здодевни и тоа ви се чинело сосема неважно, тие биле потполно во право.
Искривениот рбет не е убав, тоа го разбира секој. Спуштените рамена и свитканиот грб никого не красат. Но, зошто сме толку мрзеливи кога станува збор за исправениот став и напорно ни е да го држиме телото во таква положба? Тоа е затоа што предниот дел од човечкото тело е поразвиен од задниот. Мускулите на грбот треба континуирано да се зајакнуваат, бидејќи само така товарот на половината ќе се намали и ќе можеме без проблем да се држиме исправени.
За ефикасно да ги зајакнете мускулите на грбот од голема помош ќе ви биде оваа едноставна вежба:
Легнете на стомак со лицето свртено кон подот. Полека кренете го горниот дел од телото колку што можете повисоко, но внимавајте товарот да падне врз мускулите покрај рбетот, а не на половината. Рацете поставете ги исправени наназад над телото, но можете да ги поставите и на колковите. Задржете се малку во оваа положба, која активира најголем број на мускули и чувствувајте ја напнатоста. Направете 10 повторувања.
Ова ќе биде доволно за прв пат. Доколку ја изведувате оваа вежба секојдневно, постојано зголемувајте го бројот на повторувања, па вашето природно држење ќе се исправи многу брзо, а болката во грбот и вратот ќе исчезне. Со ова неизбежно ќе се чувствувате и многу поздраво и поубаво, односно попривлечно и ќе имате поголема самодоверба.
Искривениот рбет влијае на работата на сите внатрешни органи. Неисправеното држење на грбот му прави притисок на градниот кош, а последици трпат и белите дробови, срцето и црниот дроб.