Научниците од американскиот универзитет „Rush“ подготвиле нова диета MIND, која и до 53% го намалува ризикот од заболување од Алцхајмерова болест. Се работи за диета која настанала преку спојување на познати медитерански и DASH диети кои им помагаат на личностите со зголемен крвен притисок.
Научниот тим од Marthom Clare Morris го спровел ова истражување врз повеќе од 1.000 учесници, а резултатите покажале дека ризикот од заболување на Алцхајмер кај учесниците кои ригорозно се придржувале до диетата е намален за 53%, а кај оние кои се придржувале сосема малку, за 35%.
MIND диетата се состои од 15 различни состојки. Се препорачува во максимални количини да се консумираат намирници како што се зелен зеленчук, интегрални житарки, риби, маслиново масло, ораси и јагоди, а во помала количина, односно два пати во неделата, да се консумираат црвеното месо, путер, сирење и благо.
Научниците се мошне задоволни од резултатите на диетата и најавуваат продолжување на истражувањето.