Кога некој се дави од храна, стандардната метода за спасување на живот е Хајмлихов зафат (личноста која го извршува зафатот застанува зад личноста која се дави и силно му ја притиска дијафрагмата и желудникот со рака, подигнувајќи го по малку, со цел да создаде притисок кој ќе ја исфрли храната). Сепак, за овој зафат потребни се две личности.
Но, што ќе направите ако сте сами? Токму на ова прашање одговор ни дава Џеф Рехнам, пожарникар и болничар.
Тој предлага да клекнете на колена и да паднете со градите надолу, како што е прикажано на видеото. На овој начин би требало дијафрагмата да создаде притисок преку кој ќе излета храната надвор или доволно да ја помрдне за да земете воздух.