Еден од најдобрите начини да го започнете денот е со конзумирање на сочен портокал во сирова или течна состојба. Ако сакате овошни сокови, ова ви е одличен начин да знаете што всушност тие му прават на вашиот организам.
Еве што сè може да направи еден портокал дневно за вашето здравје:
Ви го подобрува имунолошкиот систем
Високото количество на витамин С го стимулира создавањето на белите крвни зрнца во организмот, со што се подобрува имунитетот.
Го спречува ракот
Витаминот С делува како антиоксиданс, а другите видови на цитрусни овошја содржат спој кој се вика D-limonen за кој е докажано дека ефикасно го спречува развојот на поедини видови рак, како што се рак на кожа, дојка, дебело црево и бели дробови.
Го намалува нивото на холестерол
Еден од најважните флавоноиди кои ги содржи портокалот во изобилство е хесперидин. Истражувањата покажуваат дека овој флавоноид го намалува нивото на лошиот холестерол во организмот.
Го намалува воспалението
Портокалот има и антивоспалителни дејства. Токму тие својства помагаат при ублажувањето на болките во случај на артритис и вкочанетост на мускулите и зглобовите.
И дава сјај на кожата
Антиоксидансите во портокалот ја штитат кожата од штетното делување на слободните радикали, за кои е познато дека го забрзуваат процесот на стареење на кожата.
Помага при правилен развој на мозокот
Портокалите се добар извор на фолна киселина која помага при правилен развој на мозокот. Па ако сте бремени, би било многу добро секој ден да консумирате портокали.