Доколку сакате да го размазите вашето тело, тогаш овој напиток е вистинската работа за вас! Зелената бомба полна со хлорофил е одлична за здравјето и му ја враќа силата на организмот.
Хлорофилот е пигмент кој се наоѓа во сите зелени растенија. Ние во телото го внесуваме преку зеленото овошје и зеленчук. Одличен е во борбата против анемија, му помага на телото да се бори против инфекциите, го прочистува црниот дроб и дигестивниот систем, ги уништува бактериите и делува антисептично.
Жените особено ќе се воодушеват од информацијата дека хлорофилот е нивен силен сојузник и во борбата против проширените вени бидејќи ја зајакнува крвта и ја подобрува циркулацијата, а на тој начин го ревитализира васкуларниот систем во нозете. Со редовна консумација на зелени плодови вените на површината на кожата се намалуваат и нозете изгледаат поубаво.
Овој зелен напиток е вистинска хлорофилна бомба која за миг ќе го прероди вашето тело и ќе му ја врати потребната сила, а може да се консумира секој ден.
Потребни состојки:
- 1 лимета
- ¼ ананас
- ¼ краставица
- половина рака брокула
- 1 стебло целер
- 1 рака спанаќ
- 1 рака кељ
- 100 мл бадемово млеко или обичен јогурт
Подготовка:
Излупете ги лиметата и ананасот и ставете ги во блендер заедно со останатите состојки. Добро измешајте додека не добиете изедначена смеса. Во добиенот напиток додадете неколку коцки мраз и уживајте во чашата полна здравје!