Сончогледовото масло е многу потценета намирница, чие позитивно дејство се занемарува. Истото е богато со нутриенти и минерали кои прават чуда за кожата. Содржи и голема количина масни киселини и витамин Е. Кожата лесно го апсорбира сончогледовото масло, кое претставува одлична маска за време на топлите и влажни денови.
Еве ги неговите најголеми полезности за кожата:
Против стареење
Антиоксидансите во сончогледовото масло помагаат во отстранување на слободните радикали и го намалуваат оштетувањето на клетките на кожата. Неговото секојдневно нанесување ја одржува добрата еластичност на кожата и ги брише борчките. Нанесете го со нежно масирање на кожата за да ја поттикнете циркулацијата.
Хидратација
Витаминот Е помага во ревитализацијата на клетките на кожата. Нанесувањето на сончогледово масло на кожата ќе ја задржи влажноста на кожата и ќе ја нахрани со витамин Е. Може да додадете неколку капки сончогледово масло во хидратантната крема која ја користите секојдневно за да добиете подобар ефект.
Заштита
Нанесувањето на сончогледово масло на кожата создава слој кој ја заштитува од надворешни оштетувања, без разлика дали се хемиски или природни влијанија. Количеството на витамин Е во сончогледовото масло помага да се формира овој заштитен слој.
Антибактериско и антивоспалително дејство
Сите знаеме дека витаминот Е е одличен за кожата, помага да се отстрани нејзината грубост и црвенилата кои се јавуваат по површината. Сончогледовото масло е богато со овој витамин, како и со омега 3 масни киселини, кои имаат антивоспалителни и антибактериски својства.
Совети за користење
Кога нанесувате масло од сончоглед површински, следете ги овие едноставни совети за да ги максимизирате бенефициите:
- Нанесувајте го маслото само на топла и влажна кожа! Најдобро е тоа да го направите после туширање или капење. На тој начин кожата ќе ги апсорбира нутриентите и витамините подлабоко во себе.
- Сончогледовото масло лесно се впива во кожата на чувствителните предели на лицето, како оној околу очите. Неговото нанесување на тие предели ќе придонесе во намалување на брчките и измазнување на кожата.
- Додадете неколку капки сончогледово масло во купката за капење. Тоа ќе ја нахрани кожата на телото и ќе ја направи мека и мазна.
- Користете го сончогледовото масло како лубрикант при масажа.