Проблемите со дигестивниот систем, како што е меката столица, се случуваат ненадејно и се предизвикани од бактерии, вируси или пореметување на цревната микрофлора.
Доколку сакате оваа непријатна појава да ја запрете што побрзо, испробајте некој од домашните трикови кои се навистина ефикасни.
1. Грчко семе (уште се нарекува семе од пискавица или козји рог)
Грчкото семе, кое се користи како зачин или од него се прави чај, е еден од најдобрите природни борци против меката столица. Содржи голема количина на слуз кој ја штити слузницата и ја запира дијареата.
- Помешајте една лажичка грчко семе со две лажици пробиотик, изџвакајте и проголтајте.
2. Јаболков оцет
Оваа повеќенаменска намирница помага при слабеење, но и при балансирање на цревната микрофлора. Јаболковиот оцет е ефикасен борец против бактериите кои предизвикуваат дијареа.
- Во чаша вода додадете една лажица јаболков оцет. Оваа мешавина пијте ја два пати на ден.
3. Бел ориз
Заради лесната сварливост, обичниот, варен ориз од памтивек се користи во борбата против желудочните тегоби. Истиот не предизвикува никакви мачнини, ни иритации на желудникот при варење.
- Изедете рака варен, минимално посолен бел ориз. Кога повторно ќе почувствувате глад, изедете уште толку. Порциите мора да бидат мали.
4. Банани
Ова вкусно и слатко овошје ја „затвора“ меката столица и претставува идеален борец против дијареата. Содржи голема количина на пектин, кој е препорачлив при желудочни тегоби. Исто така, бананите во себе имаат многу калиум и електролити, кои телото ги губи со прекумерно исфрлање на течностите.
- Во текот на денот полека изедете една до две зрели банани.
5. Камилица и нане
Овие миризливи билки имаат антиспазмодично дејство кое го смирува желудникот и ги спречува грчевите и дигестивните проблеми. Делуваат противвоспалително и се одлични борци против подуеност и желудочни тегоби.
- Направете чај од една лажича камилица и една лажичка нане. Оставете да отстои 5-10 минути и незасладен пијте го бавно.