|
|
 |
Тоше Проески
И "бубата" на Тоше во спомен-куќата во Крушево
 Спомен-куќата на Тоше Проески во Крушево ќе биде меморијален центар, но и место во кое луѓето ќе се дружат, ќе ги слушаат песните на Тоше, а неговите колеги и пријатели во неа ќе можат да организираат презентации и промоции.
Вака словенечкиот архитект Томаж Канцлер го објасни идејното архитектонско решение за изградбата на спомен-куќата на вчерашната прес-конференција во Министерството за култура. Првата награда на конкурсот, кој го распиша Министреството, ја добија архитектите Дејан Секуловски, Дејан Спасеновски и соработникот Илија Божиновски. Канцлер зборуваше како дел од жирито на конкурсот.
Спомен-куќата ќе биде на површина од 870 квадратни метри. За неа досега Министерството за култура одвоило 8 милиони денари. Кога ќе започне изградбата и колку време ќе трае, се уште не се знае. Во куќата ќе бидат изложени најдрагите лични предмети на Тоше, неговата колекција икони, награди, спортски реквизити, моторот, велосипедот, но и неговиот омилен автомобил "буба" кабриолет. Ќе има и посебен дел, направен како музичко студио, во кое сите посетители ќе можат да ги слушнат песните на Тоше, а колегите музичари ќе можат да организираат промоции. Спомен-куќата ќе биде се она што бил Тоше, рече државниот секретар за култура Елизабета Канческа -Милевска.
"Идејата за спомен-куќата на Тоше не е идеја која ќе трае само денес, додека емоциите се тазе. Тоа треба да биде место каде што утре бабите и дедовците ќе ги шетаат своите внучиња. Како дел од спомен-куќата ќе се направи стаклен крст, ликовно надополнет со елементи од животот на Тоше", рече архитектот Канцлер.
|
|
|
|
|
![]() |
 |
Пребарување
|
|
|
|
|
|
|
МТnet WEBmail |
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|