Анкара, 29 јуни 2015 (МИА) - Џихадистичката група Исламска држава копа ровови во сириските региони на границата со Турција, со што се подготвува за евентуален напад од турска територија.
Копањето ровови се случува во момент кога се погласни се шпекулациите за евентуална турска воена интервенција во Сирија.
„Ал Џезира Турк“ јави дека ИД почнала да презема мерки во случај на напад од турска територија. ИД копа роводи длабоки четири метри и широки 2,5 метри во сите села на границата со Турција, кои се под контрола на џихадистичката група.
- Преземаат мерки против секаква закана, што може да дојде од Турција. Во последните денови се зборува за можноста од турско вмешување. ИД се обидува да се заштити, во случај да биде нападната од копно, изјави турскиот командант Махмуд Хасан задолжен за борба против ИД.