ЕЦБ: Веќе е можно Грција да излезе од еврозоната

Атина, 30 јуни 2015 (МИА) - Веќе е можно Грција конечно да излезе од еврозоната, иако Европската централна банка не го сака тоа, изјави Беноа Кире од Извршниот одбор на ЕЦБ.

- За жал, веќе не може да биде исклучен излез на Грција од еврозоната, што досега беше теоретско прашање, рече Кире во интервју за францускиот весник „Лес Еко“.

Во Атина се коментира дека ова досега е најдиректното признание од висок функционер на ЕЦБ дека е можно Грција да излезе од еврозоната, откако земјата одлучи да ги прекине преговорите за договорот „помош за реформи“и да свика референдум на 5 јули.

Како што јави дописникот на МИА од Атина, Кире рече дека ако Грците гласаат со „да“, нема сомнеж дека властите во еврозоната ќе најдат начини да ги исполнат обврските кон Грција.

- Ако на референдумот сепак надвладее негативен одговор, ќе биде многу тешко да се обнови политичкиот дијалог, рече тој