Албанската полиција продолжува со акцијата на уништување на цели парцели засадени со марихуана.
На четири одделни места во подрачјето на Торпоја, Валона, Круја и Ѓирокастро уништени се 2.630 стебла марихуана, кои достигнувале висина и до 120 сантиметри. Притворени се четири лица додека по две се трага.
Полицијата од Тропоја, во атарот на селото Кернаја открила осум парцели и уништила околу 900 стебла марихуана. Околу 185 стебла марихуана уништила полицијата од Валона во атарот на село Гуменица,засадени во планински предел. И во двата случаи стеблата биле високи до 120 сантиметри. Полицијата трага по сопствениците. Во близина на Круја откриени се пет парцели со 445 стебла марихуана и притворени се три лица од нив еден малолетник на возраст од 17 години. Полицијата од јужниот град Ѓирокастро уништила 1.100 стебла марихуана во подрачјето на Голем, едно од најубавите туристички места на албанското крајбрежје. Уапсено е едно а се трага по уште едно лица.
Во големата акција за уништување на парцели засадени со марихуана, за нешто повеќе од еден месец албанската полиција уништила околу 30 илјади стебла со ова наркотично растенија, кое е распослано низ целата земја.