Пратениците од прокурдската Демократска партија на народите ќе поднесат барање за укинување на пратеничкиот имунитетАнкара, 28 јули 2015 (МИА) - Потпретседателот на прокурдската Демократска партија на народите Селјахатин Демирташ изјави дека 80-те пратеници од парламентарната група на партијата сами ќе поднесат утре во Парламентот барање за укинување на нивниот пратенички имунитет, пишува „Милиет“.
Демирташ тоа го изјави на седница на парламентарната група, откако претходно денеска претседателот Реџеп Таип Ердоган ја обвини партијата за поврзаност „со терористичките групи“, повика за судска истрага на нејзините лидери, за кои се претпоставува дека се поврзани со Курдската работничка партија (ПКК).
- Не сме извршиле никакви криминални дејствија. Единствен криминал ни е што освоивме 13 проценти од гласовите, рече Демирташ.
|