Специјалните сили на косовската полиција уапсија денеска 15 Срби, вработени во националниот парк Шара во Брезовица, соопшти директорот на српската Канцеларија за Косово и Метохија Марко Џуриќ и објави, дека ќе побара итна вонредна седница на српската влада по тоа прашање, пренесува Танјуг.
Денеска пред пладне вооружена косовска полиција ги уапси сите српски работници во Шара, кои беа таму, вклучително и директорот, изјави Џуриќ на прес-конференција во Брисел.
Групата е пренесена во притвор во градот Урошевац.
Според Џуриќ акцијата е поврзана со планот на Косово да стане член на УНЕСКО и станува збор за обид да се принуди Србија да го признае Косово.
Џуриќ бара вонредна седница на српската влада, на која таа ќе се произнесе јасно како за апсењето на Србите во Брезовица, така и за обидите на Косово да стане член на УНЕСКО.