Загреб, 23 октомври 2015 (МИА) - Хрватска утрово ја отвори границата кај преминот Беркасово-Бапска и 600 бегалци влегоа во земјата, откако ја поминаа ноќта на границата, јави РТС.
Граничниот премин Хрватска го затвори околу полноќ, а автобусите со бегалци од Прешево пристигнуваа во текот на целата ноќ.
Ноќта на тој граничен премин ја поминаа повеќе илјади мигранти, најмногу мајки со мали деца.
Како што јавуваат претставници на невладини организации, на Црвениот крст и на УНХЦР, храна за бегалци има доволно, а денеска ќе се изврши и дезинфекција на поставените шатори.