Опозицијата и ја предаде на Јахјага петицијата за поништување на спогодбата

Приштина, 23 ноември 2015 (МИА) - Претставници на три косовски опозициски партии и ја предадоа денеска на косовската претседателка Атифете Јахјага петицијата со 205.254 потписи на граѓаните во врска со нивното противење на Заедницата на српските општини и демаркацијата со Црна Гора, а таа сите политички партии ги потсети на нејзиниот апел за политички дијалог. 

Трите опозициски парламентарни партии, Самоопределување, Алијансата за иднината на Косово и Иницијативата за Косово подолго од три месеци ја блокираат работата на косовскиот Парламент, барајќи поништување на бриселската спогодба за формирање на Заедницата на српски општини, како и спогодбата за демаркација со Црна Гора.

Претставниците на опозицијата нагласија дека ова е втор пат како петицијата и ја предаваат на Јахјага, со цел да биде запозната дека таа навистина постои.