Анкара, 24 ноември 2015 (МИА) - Турскиот претседател Реџеп Тајип Ердоган денеска го одобри предлогот на премиерот Ахмет Давутоглу за составот на новата 64-та Влада.
Давутоглу го објави составот на новиот владин кабинет, во кој министер за надворешни работи е Мевљут Чавушоглу.
Нови лица во Владата се министрите за енергетика и природни ресурси, за економија и за финансии.
Министер за енергетика и природни ресурси е именуван Берат Албајрак, за финансии Наџи Агбал, а за министер за економија е именуван Мустафа Елиташ.