Во Тирана уапсен Сириец со фалсификувани документиТирана, 25 ноември 2015 (МИА) - На аеродромот во Тирана е приведен еден 57-годишен Сириец, кој патувал за Албанија и поседувал неколку фалсификувани документи за идентификација со различен идентитет - лична карта, пасош и британска виза.
Како што јави дописникот на МИА, уапсениот допатувал за Албанија со редована авионска линија и пред граничните албански власти покажал пасош со негова фотографијам но со идентитет на друг Сириец.
Тој бил приведен откако со првата проверка на документите во лабораторија било утврдено дека се фалсификувани. Полицијата успеал да го открие неговиот идентитет по деталната контрола на неговата торба, каде пронашла лична карта со неговиот вистинскиот идентитет.
Освен неговата лична карта полицијата пронашла и семеен документ, како и турска патна исправа со неговиот вистински идентитет, во кој имало фалсификувана британска виза, со важност од 7 октомври до 6 декември годинава.
По апсењето, доказниот материл е предаден во Обвинитеството во Тирана.
По терористичките напади во Париз и заканите за можни вакви активности и во Албанија, властите видно ги зголемија безбедносните мерки на сите гранични премини, вклучително и на аеродромот и пристаништата.
|