Српскиот премиер повикан на сослушување во полицијаБелград, 29 ноември 2015 (МИА) - Српскиот премиер Александар Вучиќ денеска е повикан на сослушување во полициска станица, поради обвинувањата на весникот „Курир“ дека учествувал во „притисоци, уцени и изнудување на противправен исказ“ од поранешниот директор на овој дневен весник, јави Танјуг.
Според провладината телевизија Пинк, сослушувањето на Вучиќ е во тек, при што тој побарл и да биде испитан на полиграф.
Распитот на Вучиќ уследи откако „Курир“ на насловната страна на денешното издание објави дека тој „заедно со уште неколку други лица, пред 20-тина дена“ барал од поранешниот директор на весникот Александар Корниќ „лажно да сведочи и лажно да го обивини сопственикот на „Курир“, Александар Родиќ“.
|