НАТО задутре ќе одлучи дали Црна Гора ќе стане негова членкаПодгорица, 30 ноември 2015 (МИА) - Одлуката за покана на Црна Гора да се приклучи во НАТО ќе биде донесена в среда, на 2 декември, објави црногорската државна телевизија.
Како што се наведува, оваа информација ќе ја потврди и генералниот секретар на Алијансата, Јенс Столтенберг на денешната прес-конференција.
Повикувајќи се на дипломатски извори во Брисел, телевизијата тврди дека одлуката ќе биде позитивна.
Официјалната одлука ќе биде позната по гласањето на 28-те земји-членки на НАТО.
|