Средба на Ципрас со францускиот и германскиот министер за внатрешни работиАтина, 5 февруари 2016 (МИА) - ЕУ во 2016 година не може да толерира ист прилив на бегалци како во 2015 година, изјави францускиот министер за внатрешни работи Бернар Казнев по денешниот состанок во Атина со грчкиот премиер Алексис Ципрас и германскиот министер за внатрешни работи Томас де Мезиер.
- Имавме искрен и плоден дијалог со премиерот, рече Казнев и додаде дека ќе продолжат и разговорите со Турција за преземените обврски.
Како што јави допсиникот на МИА од Атина, францускиот министер, исто така, се осврна и на потребата од зајакнување на Фронтекс, во чии рамки Грција ќе биде поддржана со експерти за проверка на лажни документи.
|