Тројца изчезнати во хеликоптерска несреќа во ГрцијаАтина, 11 февруари 2016 (МИА) - Грчки воен хеликтор со тројца членови на екипаж, кој учествувал во воена вежба, ноќеска исчезнал од радарот, по што остатоци од леталото подоцна се пронајдени во близина на малиот остров Кинарос во источниот дел на Егејското Море, јави дописникот на МИА од Атина.
Грчкото Министерство за одбрана соопшти дека се уште е во тек операција за пронаоѓање на тројцата членови на екипажот.
Причините за несреќата се уште не се познати.
Грчкиот министер за одбрана Панос Каменос, кој престојува во Брисел, се очекува денеска да се врати во Атина.
Според некои извори, тројцата членови на екипажот загинале, но заменик-министерот за одбрана Димитрис Вицас рече дека не може да изрази сочувство, затоа што телата се уште не се пронајдени.
|