Бугарската опозиција иницира изгласување недоверба на Владата на БорисовСофија, 11 февруари 2016 (МИА) - Двете најголеми опозициски партии во Бугарија, Бугарската социјалистичка партија (БСП) и Движењето за права и слободи (ДПС), денеска до бугарскиот Парламент поднесоа иницијатива за изгласување недоверба на Владата на премиерот Бојко Борисов, поради „неуспешната политика во областа на здравството“.
Иницијативата е потпишана од вкупно 69 пратеници од Пратеничката група „БСП лева Бугарија“, од ДПС, како и од двајца независни народни избраници.
Хасан Адемов од ДПС изјави дека ја поднесуваат иницијативата со надеж дека ќе бидат поддржани од мнозинството пратеници за да дојде до проемни во политиката кој им нанесува штети на бугарските граѓани.
Адемов посочи дека имаат сознанија оти и други пратенички групи, како онаа на Бугарскиот демократски центар, ќе ја поддржат иницијативата.
Емил Рајнов од БСП пак оцени дека со ова гласање можеби конечно ќе се расчисти каде е линијата на поделба меѓу вистинската опозиција и оние кои се со власта, а тврдат дека се опозиција.
|