Најмалку двајца загинати во хеликоптерска несреќа во ГрцијаАтина, 11 февруари 2016 (МИА) - Двајца од тројцата членови на екипажот на грчкиот воен хеликоптер, кој исчезна синоќа за време на воена вежба, пронајдени се мртви, соопшти грчкото Министерство за одбрана.
Продолжува потрагата по третиот член на екипажот, кој се води за исчезнат.
Остатоци од хеликоптерот беа пронајдени во близина на малиот остров Кинарос во источниот дел на Егејското Море
Грчкиот премиер Алексис Ципрас изрази жалење за инцидентот и побара од Министерството за одбрана да ги истражи причините за несреќата.
Грчкиот министер за одбрана Панос Каменос ја напушти средбата на НАТО во Брисел и се врати во Атина.
|