Уапсени 12 лица по нападот во Бурса Анкара, 28 април 2016 (МИА) - Во северозападна Турција се уапсени 12 лица поради нападот на бомбаш-самоубиец во Бурса, јавува турската телевизија НТВ.
Деталите за апсењето се уште не се познати.
Жена бомбаш-самоубиец се разнесе вчера во Бурса, и при тоа рани најмалку осум лица.
Нападот се случи во близина на Големата џамија од 14 век, историскиот симбол на градот, информираше приватната телевизија Си-Ен-Ен-Турк.
Турција оваа година ја погодија повеќе самоубиствени бомбашки напади, вклучувајќи два во Истанбул за кои е обвинета Исламската држава и два во Анкара за кои одговорноста ја презедоа курдските екстремисти, потсетува Танјуг.
|