Давутоглу размислува да поднесе оставка на премиерската функција, тврдат турските медиуми Истанбул, 4 мај 2016 (МИА) - Турскиот премиер Ахмет Давутоглу размислува да се повлече од функцијата на одгласите за борбата за надмоќ во турската политика со претседателот Реџеп Таип Ердоган, наведуваат турските медиуми, цитирани от ДПА.
Давутоглу изјави дека се уште не донел одлука за ова прашање, информираа дневните весници „Хуриет“ и „Џумхуриет“.
Премиерот неодамна искажа разлики со претседателот Ердоган околу планираните измени во Уставот на земјата, со кои се планира на претседателот да му се даде поголема власт.
Давутоглу вчера изјави дека „поскоро би го погазил сопственото его“, отколку да ризикува да и наштети на владеачката Партија на правдата и развојот.
Министерот за транспорт Бинали Јилдерим и Берат Албајрак, министер за енергетика и зет на Ердоган, се сметаат за можни наследници на Давутоглу на премиерската функција, наведува весникот „Џумхуриет“.
Давутоглу стана премиер и лидер на партијата во 2014 година, кога неговиот претходник Ердоган беше избран за претседател на Турција.
|