Вежба на албанските безбедносни сили за справување со бегалска кризаТирана, 26 мај 2016 (МИА) - Воената морнарица и Военото воздугопловство на Албанија, заедно со припадници на полицијата и на единицата за вонредни состојби денеска во водите на Јадранското Море одржуваат вежба за реакција во слуќај на хуманитрана криза предизвикана од прилив на бегалци.
Како што објавија албанските медиуми, вежбата се одржува во реонот на ртот Пали на 40 километри западно од Тирана и во неа се симулира префрлување на бегалци од брод во хеликотер и состојба кога мигранти одбиваат да се качат на брод.
Албанија беше заобиколена од ланскиот бегалски прилив и минатата година во земјата влегоа само неколкумина бегалци од грчка териуторија.
Владата во Тирана соопшти дека нема капацитет за сместување на големи групи бегалци, но дека е подгорвена да прифати одреден број мигранти во рамки на планот на Европската комисија за прерасопределба на бегалците меѓу членките на ЕУ.
|