Поранешниот романски министер за внатрешни работи осуден на три години затвор

Букурешт, 26  мај 2016 (МИА) - Поранешниот романски министер за внатрешни работи Габриел Берка денеска е осуден на три години затвор поради злоупотреба на службената положба.

Берка е обвинет дека во периодот од април 2010 до јануари 2012 година додека бил сенатор на Демократско-либералната партија и претседател на окружната организација на партијата во Баку, земал поткуп од 185.000 евра од еден бизнисмен за неговата фирма да склучи договор за градба со општина во округот Баку.

За истото дело на 3,5 години затвор е осуден и поранешниот пратеник од Демократско-либералната партија, Михај Бану, со чие посредништво биле добиени парите.

Против Берка и Бану беа покренати обвиненија од Националната дирекција за борба против корупцијата во август минатата година.

Пресудите против нив можат да бидат обжалени пред Врховниот касациски суд.