Турски сериски убиец осомничен за ново убиство

Анкара, 31 мај 2016 (МИА) - Сериски убиец, по кого е распишана меѓународна потерница, повторно се појави во Турција. Тој е осомничен за убиство на наставничка по историја во Истанбул, објави „Хуриет дејли њуз“.

Полицијата трага три години по мажот идентификуван како Аталај Филиз, осомничен дека убил две лица. Филиз е осомничен и за убиството на 40-годишната наставничка по историја.

Нејзините соседи изјавиле дека слушнале бучава од нејзиниот стан на 27 мај, по што таа исчезнала. Полициската истрага утврдила дека во соседниот стан биле откриени нејзини чевли со нејзина крв на нив. Соседот се претставил како Фурјан Алтај, но всушност е Аталај Филиз, осомничен за убиство на негов пријател и неговата партнерка во 2013 година.

Убиената наставничка било пронајдено во ненаселен регион, а на видео-снимка се гледа како Филиз носи голем куфер, за што се претпоставува дека во него го пренесувал телото. Полицијата го пронашла куферот во контејнер.