Тирана, 23 јуни 2016 (МИА) - Албанските националистички асоцијации, Движењето за Обединета Албанија и Листата за природна Албанија, најавија потпишување меморандум за заживување на Голема Албанија, објавија албанските медиуми, повикувајќи се на грчкиот печат.
Како што јави дописникот на МИА, според овие наводи лидерите на Листата за природна Албанија, Кочо Данај и на Движењето за Обединета Албанија, Тахир Велиу, соопштиле дека на 16 јули во Приштина ќе потпишат Мемерандум за соработка, чија цел е остравување на сонот за Голема Албанија,
Во уводниците на албанските весниците под наслов од типот „Грчките медиуми полудеа“ и „Се планира потпишување меморандум за Голема Албанија“, наведуваат дека „главна цел е обединување на сите Албанци во една национална држава“, за што овие две национални движења ќе подготват национална стратегија.
Обединета, Природна или Голема Албнија, ккао и да се нарекува, предвидува обединување на Албанија, Косово, зпадниот дел на Македонија, јужниот дел на Србија (Прешевската Долина), дел од Црна Гора (поширокиот регион кај Улцињ) и дел од Грција или областа Чамерија.