Турската полиција приведе уште 11 осомничени за нападот на аеродромот во ИстанбулАнкара, 1 јули 2016 (МИА) - Турската полиција приведе 11 странци, за кои постои сомневање дека се членови на огранок на Исламска држава во Истанбул и се поврзани со терористите самоубијци, кои го извршија тројниот самоубиствен напад на аеродромот „Ататурк“, јавија турски медиуми.
Апсењата биле извшени во операција рано изутрината на екипа на полциските сили за борба против тероризмот во квартот Башакшехир во европскиот дел на Истанбул.
Со тие апсења бројот на уапсените во рамки на истрагата за нападите достигна 24 лица.
Портпаролот на полицијата не ја потврди оваа информација.
Тројцата терористи самоубијци, за кои се претпоставува дека се членови на ИД, активираа експлозивни направи во вторникот вечерта на аеродромот, при што загинаа 44 лица, а над 200 беа ранети.
Турски владин претставник потврди вчера дека терористите биле државјани на Русија, Узбекистан и Киргистан.
|