„Коха диторе“: ОН вметнува ѕвездички и фусноти во називите на своите канцеларии во КосовоПриштина, 1 јули 2016 (МИА) - Агенциите на ОН на Косово вметнаа ѕвездички и фусноти во називите на своите канцеларии во Приштина, врз основа на Резолуцијата 1244 на Советот за безбедност на Светската организација, наведува приштинскиот весник „Коха диторе“.
Во текстот под наслов „Механизмите на ОН ја оспоруваат државноста на Косово“, весникот пишува дека агенциите, фондовите и програмите на ОН почнале „да применуваат нови комуникациски стратегии на штета на Косово“.
- Тие тоа не го прават само во пишаните документи, туку и на интернет страниците и во налозите на социјалните мрежи, додава весникот.
„Коха Диторе“ оценува дека иако новата комуникациска стратегија на ОН му нанесува штета на меѓународниот имиџ на Косово, властите во Приштина воопшто не реагирале на ваквите измени.
- Напротив, властите дури овој месец обезбедија и финансиска поддршка за проектите на овие механизми на ОН, потенцира приштинскиот весник.
|