ИД повикува на убиство на Муамер ЗукорлиќСараево, 1 јули 2016 (МИА) - Медиумскиот сервис „Фурат Медиаџ“ на Исламска држава денеска објави снимка на босански јазик во која ги повикува своите приврзаници да го убијат пратеникот во српскиот Парламент Муамер Зукорлиќ.
Сараевскиот портал „Сафф.ба“ наведува дека тоа е јасен знак и најава за нови активности на ИД во Босна и Херцеговина.
- ИД е непријател на исламот и на муслиманите. Муслиманите мора да бидат одлучни во борбата против злото што го шират ваквите луѓе и нивните ментори. Овие луѓе немаат ништо со исламот, тие се целосни лудаци, убици и следбеници на култот на смртта, посочува „Сафф.ба“, кој на насловната страница ја објави фотографијата на Зукорлиќ и видео-снимката.
|