Турскиот Парламент изгласа контродикторна реформа на судскиот систем Анкара, 1 јули 2016 (МИА) - Турскиот Парламент изгласа Закон за преструктуирање на вишите судови, а опозициската Републиканска народна партија најави дека ќе го оспори Законот пред Уставен суд.
Изгласувањето на Законот за преструктуирање на вишите судови се оценува како победа на претседателот Реџеп Таип Ердоган, со што ќе му се овозможи да отстрани некои судии и да воспостави контрола врз судскиот систем.
Законот, изгласан синоќа, овозможува да бидат отстранети 711 судии од двете највисоки судски институции - Државен совет кој ги разгледува делата на граѓаните против државата и Врховниот касациски суд.
Според новиот Закон ќе има помал број на судии, а за именувањето на нови судии ќе биде задолжен Вишиот совет на судии и обвинители, што е под контрола на Министерството за правда.
Турскиот претседател ќе може да именува 25 проценти од судиите во Државниот совет.
|