Хакиран сајтот на ТанјугБелград, 22 јули 2016 (МИА) - Сајтот на српската агенција Танјуг минатата ноќ е хакиран, а место агенциски вести поставен е текст со кој продолжува валканата кампања што се темели на лажни обвинувања дека Танјуг емитувал монтирана снимка од инцидентот пред Собранието на град Белград во понеделникот, на 18 јули.
Ова обвинение го изнесе Куќата за човекови права и демократија во своите две соопштенија, со кои Танјуг на најгруб начин и без каква било основа се посочува како виновник.
Агенцијата Танјуг реагираше и со целосна професионална и морална одговорност, предупреди дека снимката на агенцијата не е монтирана.
- Со своите неодговорни обвинувања и квалификации, Куќата за човекови права врши недозволен притисок врз известувањето, а од Танјуг направи цел, што, уверени сме, доведе и до хакерскиот напад и соборувањето на нашиот сајт, реагираше агенцијата.
Паушалното и неосновано „таргетирање“ на агенцијата Танјуг, меѓутоа, разгоропадениот дел од јавноста може да го наведе и на порадикално делување, што претставува директна закана за безбедноста на нашите новинари, се наведува во реакцијата на агенцијата.
|