Солун, 25 јули 2016 (МИА) - Група од околу 150 екстремни десничари се судри вчера со полицијата во североисточниот дел на Грција, бидејќи се обиделе да ги нападнат учесниците на маршот, организиран од грчката муслиманска заедница.
Инцидентот се случил во местото Комотини, а полицајците употребиле солзавец, откако претходно биле каменувани. Во судирите никој не бил уапсен.
Маршот бил организиран од малата Партија на пријателство, еднаквост и мир, одбележувајќи ја годишнината од смртта на основачот на партијата Ахмет Садик, кој загинал во сообраќајна несреќа во 1995 година. Садик бил и дел од Парламентот во 1989 година.
Во Грција живеат повеќе од 100.000 муслимани, повеќето во североисточниот регион Тракија.