Вашингтон, 16 септември 2016 (МИА) - Исламскиот свештеник Фетулах Ѓулен, кој живее во САД, а во Турција е обвинет за организирање на неуспешниот обид за воен удар, ги осуди репресиите на турските власти врз неговите поддржавачи.
Ѓулен, преку видео-врска на Советот за меѓународна политика во Филаделфија, истакна дека турската Влада го искористи обидот за пуч да ги оправда репресиите против неговите поддржувачи.
- Тие се подложени на тиранија, малтретирање и незаконско одземање на приватната сопственост. Тие репресии се мрачни страници во светската историја, посочи Ѓулен.
Тој демантира какво била вмешаност во обидот за воен удар во јули во Турција, која бара негова екстрадиција од САД.